ড° বুলজিৎ বুঢ়াগোহাঁই
বনাঞ্চল পৰিচালনা (Forest Management) এটা আকৰ্ষণীয় কেৰিয়াৰ। ‘বনাঞ্চল পৰিচালনা’ত বিভিন্ন পাঠ্যক্ৰম অধ্যয়ন কৰিব পাৰি। এজন সফল বনাঞ্চল পৰিচালক হবলৈ হ’লে প্ৰাৰ্থীগৰাকীৰ কিছুমান গুণ থকা দৰকাৰ, যেনে – প্ৰকৃতিপ্ৰেমী, সাহসী, অনুসন্ধিৎসু মন, সূক্ষ্মদৰ্শী, নিষ্ঠাবান, সাৱধানী, কষ্টসহিষ্ণুতা, সুন্দৰ নিৰীক্ষণ ক্ষমতা, দায়িত্ববোধ আদি । ‘বনাঞ্চল পৰিচালনা’ পাঠ্যক্ৰম অধ্যয়ন তথা প্ৰশিক্ষণ গ্ৰহণ কৰিব পৰা এখন উল্লেখযোগ্য শিক্ষানুষ্ঠান হ’ল –ইণ্ডিয়ান ইনষ্টিটিউট অব্ ফৰেষ্ট মেনেজমেণ্ট ,ভূপাল (http://iifm.ac.in )। ইয়াত প’ষ্ট গ্ৰেজুৱেট ডিপ্ল’মা ইন ফৰেষ্ট মেনেজমেণ্ট (Post Graduate Diploma in Forest Management) পাঠ্যক্ৰমত আসনৰ সংখ্যা ১৫০ খন। এই পাঠ্যক্ৰমত নামভৰ্তিৰ বাবে শিক্ষাগত অৰ্হতা হ’ল – প্ৰাৰ্থীজন স্বীকৃতিপ্ৰাপ্ত বিশ্ববিদ্যালয়ৰ পৰা যিকোনো শাখাত কমেও ৫০% নম্বৰ বা সমতুল্য চিজিপিএৰ সৈতে স্নাতক ডিগ্ৰীধাৰী হ’ব লাগে। অনসূচিত জাতি , জনজাতি আৰু বিশেষভাৱে সক্ষম প্ৰাৰ্থীৰ বাবে ৫% নম্বৰ ৰেহাই থাকে।
দূৰ শিক্ষা যোগেদিও ‘বনাঞ্চল পৰিচালনা’ পাঠ্যক্ৰম অধ্যয়ন কৰিব পৰা এখন উল্লেখযোগ্য শিক্ষানুষ্ঠান হ’ল - ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়(www.ignou.ac.in) । এই শিক্ষানুষ্ঠান দুখনত ‘বনাঞ্চল পৰিচালনা’ৰ বিভিন্ন পাঠ্যক্ৰমত নাম ভৰ্তিৰ বাবে প্ৰয়োজন হোৱা শিক্ষাগত অৰ্হতা তথা নাম ভৰ্তি প্ৰক্ৰিয়া বিভিন্ন । সবিশেষতথ্য জানিবৰ বাবে আগ্ৰহী শিক্ষাৰ্থীয়ে শিক্ষানুষ্ঠান দুখনৰ ৱেবছাইটত চাব পাৰে। ‘বনাঞ্চল পৰিচালনা’ৰ বিভিন্ন পাঠ্যক্ৰম অধ্যয়ন কৰি চৰকাৰী তথা বেচৰকাৰী খণ্ডৰ বিভিন্ন বিভাগত বিভিন্ন পদত নিযুক্তি লাভ কৰিব পাৰে, যেনে - Forestry, Environment, Micro Finance, Banking, Eco-tourism, Corporate Social Responsibility আদি। ‘বনাঞ্চল’ৰ লগত জড়িত ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ৰ NGOবোৰেও নিযুক্তি দিয়ে। ফৰেষ্ট মহাবিদ্যালয়/বিশ্ববিদ্যালয়ত অধ্যাপক হিচাপে কেৰিয়াৰ আৰম্ভ কৰিব পাৰে।
ড° বুলজিৎ বুঢ়াগোহাঁই
কেৰিয়াৰ পৰামৰ্শদাতা তথা
মুৰব্বী, যান্ত্ৰিক অভিযান্ত্ৰিক বিভাগ, অসম ডনবস্ক’ বিশ্ববিদ্যালয়
ফোন: ৯৪৩৫১৮৮৬৩০
ই-মেইল: buljit@gmail.com
বি.দ্ৰ. কেৰিয়াৰ বিষয়ৰ বিভিন্ন কথা কোনো আগ্ৰহী শিক্ষাৰ্থীয়ে জানিব বিচাৰে, তেন্তে প্ৰত্যেক শনিবাৰে বিয়লি ৬-৯ বজাৰ ভিতৰত ফোন(৯৪৩৫১৮৮৬৩০)ত যোগাযোগ কৰিব পাৰে ।
পঢ়ুৱৈৰ মতামত (০টা মন্তব্য)