ভাৰতী চক্ৰৱৰ্তী
ক -ই ক’লে কুঁজিবালিলৈ
কণখুড়ী গ’ল আজি
খ -য়ে খালে খালৈভাঙি
খলিহনা মাছ ভাজি
গ -উঠিল গিৰিপ কৰি
গড় চাবলৈ যাম
ঘ -ই বোলে ঘৰৰ ল’ৰা
ঘৰতে কৰিবি কাম
ঙ -ই ক’লে পুঙা দোকানত
চুঙা দৈ পাম
চ -য়ে আনি দিয়া চৰচৰি মাছ
চপচপিয়াকে খাম
ছ -ই আহি ছল-চাতুৰিৰে
ছাগলীক দিলে পাত
জ -য়ে ৰান্ধিলে জৰ্জৰিয়াকৈ
জহা চাউলৰ ভাত
ঝ -উঠিল ঝক্ ঝক্ ৰেলত
ছিপাঝাৰলৈ বুলি
ঞ- য়ে আনিলে কেঞা
বগৰী
চিঞৰি চিঞৰি তুলি
ট -য়ে আজি টেঁটুলৈকে
তোৰামাছ খালে
ঠ-য়ে ঠগি ঠগিৰামক
ঠাকুৰথানত থ’লে
ড -য়ে ক’লে ডৰিকণা মাছ
ডঙিবিলত পাবা
ঢ-য়ে বোলে ঢকুৱাখনাত
ঢেৰ বৰালি চাবা
ন -য়ে ক’লে নামতি মই
নামৰ প্ৰসাদ খাম
ত -য়ে বোলে তাৱৈৰ ঘৰলৈ
তৰা-নৰা ছিঙি যাম
‘ক’-ৰ পৰা ‘ত’-লৈ
অতদূৰ বাট গ’লোঁ
তধা-মধা খাই আজি
ইয়াতে বিদায় ল’লোঁ।
--------
ভ্ৰাম্যভাষ :৯৯৫৪৬২৩৯৬৬
পঢ়ুৱৈৰ মতামত (০টা মন্তব্য)