অ' কেপ্টেইন, মোৰ কেপ্টেইন

(আমেৰিকাত পূৰ্বতে কিছুমান ৰাজ্যত দাস প্ৰথাৰ প্ৰচলন আছিল। দাস বেপাৰীবোৰে আফ্ৰিকাৰ পৰা বনৰীয়া জন্তু ধৰাৰ দৰে কৃষ্ণাঙ্গ লোকসকলক ধৰি আনিছিল আৰু তেওঁলোকক গৰু-ছাগলীৰ দৰে বজাৰত বিক্ৰী কৰিছিল। বগা মানুহবোৰে এই কৃষ্ণাঙ্গ লোকসকলক পোহনীয়া জন্তুৰ দৰে ব্যৱহাৰ কৰিছিল। তেওঁলোকে কৃষ্ণাঙ্গসকলক বিভিন্ন কামত লগাইছিল। কৃষ্ণাঙ্গ লোকৰ ওপৰত শাৰীৰিক আৰু মানসিকভাৱে নিৰ্মম অত্যাচাৰ চলোৱা হৈছিল। কিন্তু যেতিয়া আব্ৰাহম লিংকন আমেৰিকাৰ ৰাষ্ট্ৰপতি হয়, তেওঁ এই অমানৱীয় দাস প্ৰথা নিষিদ্ধ ঘোষণা কৰে। ফলত আমেৰিকাত দুটা দলৰ সূচনা হয়। এটা দলে দাস প্ৰথা বন্ধ কৰাৰ বাবে আব্ৰাহম লিংকনক সম্পূৰ্ণ সমৰ্থন কৰে। এই দলৰ মতে দাসবোৰো মানুহ। গতিকে তেওঁলোককো আন লোকৰ দৰেই সম জ্ঞান কৰা উচিত, সম অধিকাৰ প্ৰদান কৰা উচিত। কিন্তু আনটো দলে দাস প্ৰথা নিষিদ্ধ কাৰ্যক সমৰ্থন নকৰে। তেওঁলোকে ইয়াৰ ঘোৰ বিৰোধিতা কৰে আৰু পৰিণতিস্বৰূপে আমেৰিকাত গৃহযুদ্ধৰ (Civil War) সূচনা হয়। এই গৃহযুদ্ধত আব্ৰাহম লিংকনৰ জয়ী হয় যদিও কেইদিনমানৰ পাছতে থিয়েটাৰ উপভোগ কৰি থাকোঁতে এজন লোকে তেওঁক হত্যা কৰে।

    আমেৰিকাৰ এই মহান ৰাষ্ট্ৰপতিজনৰ স্মৃতিতে ৱাল্ট হুইটমেনে O Captain! My Captain! কবিতাটো ৰচনা কৰিছিল। কবিতাটো ৰচনা কৰা হৈছিল ১৮৬৫ চনত আৰু সেই বছৰতেই আব্ৰাহাম লিংকনক হত্যা কৰা হৈছিল। উল্লেখযোগ্য যে কবিতাটোত "কেপ্টেইন" বুলি ৰাষ্ট্ৰপতি লিংকনৰ কথা কোৱা হৈছে আৰু "জাহাজ" বুলি আমেৰিকাৰ কথা কোৱা হৈছে।)