উৎপল বৰকটকী
জ্বলি থকা প্ৰতিকুৰা জুইৰ শেষ
ছাই নহয়
জ্বলি জ্বলি শেষ নহয় সকলো জুই
সকলো জুইৰ অন্ত নাথাকে
পোহৰৰ বাবেও জুই লাগে
সুখত জ্বলে জুই
শোকত জ্বলে জুই
এটা মিছাইল আহি টোপনিত লালকাল হৈ থকা
মোৰ ল’ছালিহালক ৰাতিপুৱাৰ সূৰ্যটো চাবলৈ
সুযোগ নিদিলে
মিছাইলৰ জুই ফিৰিঙতি আহি
মোৰ বুকুৰ জুইকুৰা জ্বলাই দিলে
তেতিয়াৰে পৰা মোৰ বুকুত জুই জ্বলি আছে
একুৰা
অন্ত হ’ব নোখোজা জুই
ছাই হ’ব নোখোজা জুই
***
ঠিকনা :
গাঁও- ৰঙামুৰী, ডাক: পাভৈ- ৭৮৪১৭৪
জিলা: বিশ্বনাথ (অসম)
ফোন: 81330-10063
ইমেইল: borkatakiutpal@gmail.com
পঢ়ুৱৈৰ মতামত (০টা মন্তব্য)