ৱাহিদ আহমেদ
জুবিন গাৰ্গ আছিল এজন প্ৰখ্যাত ভাৰতীয় সংগীতজ্ঞ, গায়ক, সুৰকাৰ, গীতিকাৰ, বাদ্যযন্ত্ৰবাদক, অভিনেতা, পৰিচালক, চলচ্চিত্ৰ নিৰ্মাতা, কবি, আৰু দানবীৰ হিচাপে পৰিচিত৷ ১৯৭২ চনৰ ১৮ নৱেম্বৰত মেঘালয়ৰ তুৰাত জন্মগ্ৰহণ কৰা তেখেতৰ নাম আছিল বিখ্যাত সুৰকাৰ জুবিন মেহতাৰ নামেৰে৷ পিছত তেওঁৰ পৰিয়ালটো অসমৰ যোৰহাটত বসতি স্থাপন কৰি জীৱনৰ বেছিভাগ সময় কটায়৷ পৰৱৰ্তী সময়ত যোৰহাটখনেই তেওঁৰ স্থায়ী ঠাই হিচাপে জনাজাত যদিও জুবিন গাৰ্গ গুৱাহাটীত থাকিবলৈ লয়৷
জুবিন গাৰ্গৰ পিতৃ মোহিনী মোহন বৰঠাকুৰ এগৰাকী দণ্ডাধীশ আৰু গীতিকাৰ হোৱাৰ বিপৰীতে মাতৃ ইলি বৰঠাকুৰ এগৰাকী গায়িকা আছিল৷ তিনিবছৰ বয়সৰ পৰাই গান গাবলৈ আৰম্ভ কৰিছিল আৰু ১১ বছৰ পণ্ডিত ৰবিন বেনাৰ্জীৰ পৰা তবলা শিকিছিল৷ গাৰ্গে যোৰহাটৰ কাৰ্মেল স্কুলত প্ৰাথমিক শিক্ষা সমাপ্ত কৰি পিছলৈ কৰিমগঞ্জ হাইস্কুল আৰু বিজোনি বন্ধোভ স্কুলত অধ্যয়ন কৰে৷ তামুলপুৰ উচ্চতৰ মাধ্যমিক বিদ্যালয়ৰ পৰা মেট্ৰিক পৰীক্ষাত উত্তীৰ্ণ হৈ জে.বি.কলেজত বিজ্ঞান বিষয়ত উচ্চতৰ মাধ্যমিক শিক্ষা গ্ৰহণ কৰে৷
জুবিন গাৰ্গৰ সংগীত জীৱনৰ আৰম্ভণি হৈছিল ১৯৯২ চনত তেওঁৰ প্ৰথম এলবাম “অনামিকা” বুলি জনা যায়৷ এই অনামিকাৰ গীতসমূহৰ ৰ পৰাই উত্তৰ-পূব অঞ্চলত জুবিন ৰ নামটো লাহে লাহে পৰিচিত হৈ পৰিছিল৷ স্থানীয় সংগীত অনুৰাগীৰ মাজত অনুৰণন ঘটাই তেওঁৰ অনন্য কণ্ঠ আৰু শৈলীৰে খ্যাতি অৰ্জন কৰিছিল৷ তেওঁৰ কিছুমান উল্লেখযোগ্য এলবামৰ ভিতৰত
- অনামিকা(১৯৯২)
- মায়া (১৯৯৪)
- আশা (১৯৯৫)
- চান্দনী ৰাত (১৯৯৫)
- সপোনৰ সুৰ (১৯৯২)
- জোনাকি মন (১৯৯৩)
- বাঁহী (২০১১)
- বৰষুণ (২০০৬)
- ৰুমাল (২০০৮)
বলীউড আৰু বাংলা গায়ক হিচাপে তেওঁ খ্যাতি অৰ্জন কৰিছিল৷ আন্তৰাষ্ট্ৰীয় কেৰিয়াৰ বুলি ক ‘বলৈ গ ‘লে জুবিন গাৰ্গৰ বলীউডত অভিষেক ঘটিছিল ২০০৬ চনত “গেংষ্টাৰ” চিনেমাৰ “য়া আলী” নামৰ হিট গীতটোৰ জৰিয়তে৷ তেওঁক এই গীতটিৰ বাবে শ্ৰেষ্ঠ প্লেবেক গায়কৰ গ্ল ‘বেল ইণ্ডিয়ান ফিল্ম বঁটা লাভ কৰিছিল৷ ইয়াৰ উপৰিও “মন” (২০০৩) আৰু “শুধু তুমি” (২০০৪) কে ধৰি বাংলা ছবিতো গীত গাইছিল৷ বাংলা ছবিত যথেষ্ট কণ্ঠদান কৰি পশ্চিমবংগত এজন জনপ্ৰিয় শিল্পী হিচাপে প্ৰতিষ্ঠা লাভ কৰিছিল৷
অভিনেতা হিচাপে জুবিন গাৰ্গে কেইবাখনো অসমীয়া ছবিত অভিনয় কৰিছিল, য’ত আছিল :
- তুমি মোৰ মাথোঁ মোৰ (২০০০)
- দীনবন্ধু (২০০৪)
- গেংষ্টাৰ (বিশেষ ৰূপ)
- মন জয় (২০০৮)
- মিছন চাইনা (২০১৭)
- ডা০ বেজবৰুৱা- ২ (২০২৩)
শেষতীয়াকৈ ‘ৰৈ ৰৈ বিনালে’ ছবিখন আধৰুৱাকৈ থাকি গ’ল৷ আন এখন ‘যৌৱনে আমনি কৰে’ (দ্বিতীয়) সেইখনো মুক্তিলাভৰ পথত৷
জুবিন গাৰ্গে অসংখ্য বঁটা লাভ কৰিছিল, য’ত আছিল-
- “য়া আলী” (২০০৬)ৰ বাবে শ্ৰেষ্ঠ প্লে’বে’ক গায়কৰ বাবে গ্ল’বেল ইণ্ডিয়ান ফিল্ম এৱাৰ্ড
- ৫৫ সংখ্যক ৰাষ্ট্ৰীয় চলচ্চিত্ৰ বঁটা (২০০৯)ত অবৈচিত্ৰ্য “Echoes Of Silence” ৰ বাবে শ্ৰেষ্ঠ সংগীত পৰিচালনা বঁটা
- শ্ৰেষ্ঠ প্লেবেক গায়ক (২০০৫)ৰ বাবে প্ৰাগ চিনে বঁটা
- সেউজী-সেউজী বঁটা তেওঁৰ অসাধাৰণ অৱদানৰ বাবে (২০১৭)
- মেঘালয়ৰ বিজ্ঞান আৰু প্ৰযুক্তি বিশ্ববিদ্যালয়ৰ পৰা সন্মানীয় ডক্টৰেট অৱ লিটাৰেচাৰ (ডি.লিট) ডিগ্ৰী (২০২৪)৷ জুবিন গাৰ্গ দেৱে জীৱনকালত প্ৰায় ৩৮ হাজাৰ গীতত কণ্ঠদান কৰিছিল৷ চল্লিশটা ভাষাত গীত গাই অসম তথা ভাৰতবাসীৰ হৃদয় জিনিবলৈ সক্ষম হৈছিল৷ তামিল, তেলেগু, হিন্দী, ইংৰাজী, অসমীয়া, মণিপুৰী, বাংলা, বড়ো, ডিমাচা, ৰাভা, তিৱা, গুজৰাটী, কানাড়া, মালায়লম, মিচিং নেপালী, ভোজপুৰীকে আদি কৰি প্ৰায়কেইটা ভাৰতীয় ভাষাতে তেখেতৰ গীত বাণীবদ্ধ হৈছিল৷
জুবিন গাৰ্গ যদিও এজন কণ্ঠশিল্পী ৰূপে পৰিচিত তথাপিও অসমৰ প্ৰেক্ষাপটত এজন ৰাজহুৱা ব্যক্তি, স্পষ্টবাদী ব্যক্তিত্বৰ বাবে প্ৰশংসিত আছিল৷ সামাজিক, ধৰ্মীয় আৰু সাংস্কৃতিক বিষয়ত তেওঁৰ মন্তব্যই প্ৰায়ে সমৰ্থন আৰু সমালোচনা দুয়োটাকে আকৰ্ষণ কৰিছিল৷ তেওঁ নিজৰ অনাদৰ আৰু হাস্যৰসময়ী ৰাজহুৱা ব্যক্তিত্বৰ বাবেও পৰিচিত আছিল, প্ৰায়ে ৰাজনীতিবিদ আৰু মন্ত্ৰীক সমালোচনা কৰিছিল৷ ২০১৮ চনত গাৰ্গে ৰাজহুৱাভাৱে খেলুৱৈ হিমা দাসক কুকুৰা বা কপৌৰ মাংসতকৈ গৰুৰ মাংস গ্ৰহণ কৰিবলৈ পৰামৰ্শ দিছিল আৰু দাবী কৰিছিল যে গো-মাংসে ৰাষ্ট্ৰীয় আৰু আন্তঃৰাষ্ট্ৰীয় প্ৰতিযোগিতাৰ বাবে তেওঁক অধিক শক্তি লাভ কৰাত সহায় কৰিব৷ তেওঁ যুক্তি দিছিল যে ক্ৰীড়াৰ কথা আহিলে ধৰ্ম, জাতি, ধৰ্মৰ দৰে কাৰকসমূহ এথলেটিক প্ৰদৰ্শনক কিহৰ দ্বাৰা উপকৃত হয় তাৰ সপক্ষে আঁতৰাই ৰাখিব লাগে৷ এই বক্তব্যই অসমৰ ভিতৰত বিতৰ্কৰ সৃষ্টি কৰিছিল৷
২০১৯ চনত শিল্পীগৰাকীয়ে বিতৰ্কৰ সন্মুখীন হৈছিল যেতিয়া তেওঁ কৈছিল, “মই ব্ৰাহ্মণ, কিন্তু চিনেমাখনত মোৰ লগুণ (ব্ৰাহ্মণসকলে পিন্ধা পবিত্ৰ সূতা) ছিঙি পেলাইছো৷ মই আগতে সূতাটো আঁতৰাই পেলাইছিলো, আৰু এতিয়াও পিন্ধা নাই৷ এই ব্ৰাহ্মণসকলক হত্যা কৰা উচিত”৷ পিছলৈ তেওঁ এই বক্তব্যৰ বাবে ক্ষমাও বিচাৰিলে৷ ২০২৪ চনৰ এপ্ৰিল মাহত বিহু সন্মিলনৰ মঞ্চত গীত পৰিৱেশৰ সময়ত তেওঁ ৰাইজৰ আগত কয় যে কৃষ্ণ কোনো ঈশ্বৰ নহয় বৰঞ্চ এজন মানুহ৷ পৰৱৰ্তী সময়ত তেওঁক মাজুলী জিলা সত্ৰ মহাসভাৰ পৰা নিষিদ্ধ কৰা হৈছিল৷
গাৰ্গে বিভিন্ন কামৰ বাবে ধন আগবঢ়োৱা কলাগুৰু আৰ্টিষ্ট ফাউণ্ডেশ্যন নামৰ এটা দাতব্য সংস্থা চলাইছিল৷ অসমত বিধ্বংসী বানপানী আহিলে কাপোৰ, ঔষধ আৰু বৰঙণি দান কৰিবলৈ তেওঁ লোকসকলক আহ্বান জনাইছিল৷ তেওঁ এ পি এছ চিৰ নিযুক্তিৰ ক্ষেত্ৰত হোৱা দুৰ্নীতিৰ বিষয়টো তেওঁৰ কাঞ্চনজংঘা চিনেমাত গ্ৰহণ কৰিছিল৷ তেওঁ ফুটবল অনুৰাগী আছিল আৰু বানপীড়িত লোকসকলৰ বাবে ধন সংগ্ৰহৰ বাবে অসমৰ ভিন্ন ঠাইত ফুটবল খেলিছিল আৰু বহুকেইটা ক্লাব খুলিছিল৷
২০২৫ চনৰ ১৯ ছেপ্টেম্বৰত তেওঁৰ অকাল মৃত্যুৱে সমগ্ৰ দেশতে এক শোকাকুল পৰিবেশৰ সৃষ্টি কৰিছিল৷ কল্পনাতীত যে তেওঁক শেষ শ্ৰদ্ধাঞ্জলি জনাবলৈ জাতি ধৰ্ম বৰ্ণ ভাষা নিৰ্বিশেষে লাখ লাখ মানুহৰ সমদলে গোটেই গুৱাহাটীৰ পৰিৱেশ সলনি কৰি দিছিল৷ ব্যাপকভাৱে ‘জয় জুবিনদা’ ধ্বনিৰে গুৱাহাটীৰ সোণাপুৰত ৰাষ্ট্ৰীয় মৰ্যাদাৰে তেওঁক বিদায় দিয়া হয়৷ শেষকৃত্য অনুষ্ঠানত তেওঁৰ অনুৰাগী, পৰিয়াল বৰ্গ, ৰাজনীতিবিদ আৰু সহশিল্পীসকলৰ লগতে বহু ৰাজ্য আৰু দেশ বিদেশৰ অহা গুণমুগ্ধসকলেও শ্ৰদ্ধাঞ্জলি জনায়৷ মায়াবিনী ৰাতিৰ বুকুত গীতটি সকলো অনুৰাগীয়ে সমস্বৰে উচ্চাৰণ কৰে৷
ছিংগাপুৰত অনুষ্ঠিত “নৰ্থ ইষ্ট ফেষ্টিভেল” মহোৎসৱত অনুষ্ঠান পৰিৱেশন কৰিবলৈ ছিংগাপুৰত থকাৰ সময়তে জুবিন গাৰ্গে কিছু বন্ধুবৰ্গৰ সহিতে সাগৰলৈ বুলি ফুৰিবলৈ যাওঁতে তাতে মৃত্যু হয়৷ খবৰ অনুসৰি ইয়ট আউটিঙৰ সময়ত সাঁতুৰি থাকোঁতেই অঘটন হয়৷ পৰৱৰ্তী সময়ত ছিংগাপুৰ জেনেৰেল হস্পিতাললৈ লৈ যোৱা হয় আৰু তাতেই তেওঁক মৃত ঘোষণা কৰা কৰে৷ লগে লগে এই বাতৰি বিয়পি পৰাত অসমত এক অভাৱনীয় পৰিস্থিতিৰ সৃষ্টি হয়৷ প্ৰায় পাঁচদিন ধৰি স্বতঃস্ফূৰ্ত ভাৱে ব্যৱসায়িক প্ৰতিষ্ঠান, বাছ, মটৰ পৰিবহণ আদি বন্ধ হৈ পৰে৷ ৰাইজৰ এনে শোকাৰ্ত পৰিবেশত স্কুল, কলেজ আদিও চৰকাৰী বন্ধ ঘোষণা কৰে৷ অসম চৰকাৰেও ৰাজ্যিক শোকৰ দিন বৃদ্ধি কৰে৷ অসমৰ ইতিহাস এগৰাকী শিল্পীৰ প্ৰতি মানুহ মৰম আৰু হিলদল ভাঙি সমদলেৰে বিদায় দিয়া এইয়াই প্ৰথম৷ ইয়াৰ আগতে সুধাকণ্ঠ ভূপেন হাজৰিকা দেৱৰ মৃত্যুত বহু লোকে শ্ৰদ্ধা জনাইছিল যদিও মানুহৰ ভিৰে এইবাৰে অভিলেখ গঢ়ে৷
জুবিন গাৰ্গ বুলিলে সমসাময়িক সমাজখনৰ এক জনপ্ৰিয় তাৰকা৷ বিশেষকৈ নৱপ্ৰজন্মৰ মাজত তেওঁ খুব গভীৰভাৱে সোমাই পৰিছিল৷ গীতৰ জৰিয়তে যুৱসমাজক এক বুজাব নোৱাৰা আনন্দৰ মাজেৰে জীৱনৰ সোৱাদ দিছিল৷ বিহুৰ মঞ্চত জুবিন গাৰ্গ বুলি ক ‘লে এক ধুমুহাৰ দৰে পৰিবেশে বিৰাজ কৰা আমি দেখিবলৈ পাইছিলোঁ৷ বহুকেইটা কালজয়ী গীতে তেখেতক গীতৰ সম্ৰাট বনাইছিল৷ কায়িকভাৱে যদি তেওঁ আমাৰ মাজত নাই তেওঁৰ আদৰ্শ প্ৰাসংগিকতা সদায় থাকিব৷ অসমীয়া ৰাইজৰ মন গহনত জুবিনদাৰ সৃষ্টিৰাজি প্ৰতিদিনে সতেজ হৈ থাকিব, আহিবলগীয়া প্ৰজন্মকো অনুপ্ৰেৰণা যোগাব তাত কোনো সন্দেহ নাই৷ শেষতীয়াকৈ অসম মাধ্যমিক শিক্ষা পৰিষদে ঘোষণা কৰিছে যে জুবিন গাৰ্গ দেৱৰ জীৱন দৰ্শন আৰু তেওঁৰ প্ৰতিভাসমূহক পাঠ্যপুথিত তুলি ধৰিব৷ এয়া আমাৰ সমাজখনৰ বাবে ইতিবাচক খবৰ৷ আমিও আশা কৰিম জুবিন গাৰ্গ নামৰ এই সত্ত্বাটি মানসপটত প্ৰতিদিনে জিলিকি থাকক৷
ঠিকনা :
ডোহা, কাটাৰ
ফোন : +97431204571
পঢ়ুৱৈৰ মতামত (০টা মন্তব্য)