অজানিতে চুই যায়......

বিনিময় দাস

তুমি যিমানেই থাকাঁ নিঃশ্চু‍‍‍প,

একো কথাকে নোকোৱাঁ,

মই জানো, তুমি মোক ভাল পোৱাঁ৷

যদিও প্ৰত্যাশা তোমাৰ অপ্ৰকাশিত,

মই অনুভৱ কৰিছো নদীৰ উজান৷

যদিও হেঁপাহ তোমাৰ নিশব্দতাত দ্ৰৱীভূত,

মই শুনিছো অন্তৰ তৰঙ্গ‍‍‍ত জীৱনৰ গান৷৷

যদিও তোমাৰ হৃদয়ৰ অৱস্থা‍‍‍ন গোপন ঘৰত,

মই হৃদয়ঙ্গ‍‍‍ম কৰিছোঁ তোমাৰ আৱেগিক চকুলো৷

যদিও তোমাৰ প্ৰে‍‍‍মৰ মিঠা ভাষা কঁপিছে জাৰত,

মই তোমাৰেই বাগিচাৰ পৰা গোলাপ ফুল তুলো৷৷

আচলতে –

প্ৰে‍‍‍ম যিমানেই থাকক নিঃশব্দ,

যিমানেই নহ‌ওক কিয় অপ্ৰকাশ,

প্ৰে‍‍‍মে কেতিয়াও বাধা নামানে –

অজানিতে চুই যায় সিটো প্ৰা‍‍‍ন্তৰ আকাশ৷

 ***

ঠিকনা :

ইটাচালি, নগাওঁ৷

ভ্ৰাম্যভাষ – ৯৪৩৫৫৩৭৫৯১