অ-ফলাৰ পদ্য

লেখকঃ গীতাঞ্জলি বৰকটকী ভাগৱতী • প্ৰকাশিতঃ ৩০ ছেপ্টেম্বৰ, ২০২০

১ মিনিট পঠন • ৪০৫৭ বাৰ পঢ়া হৈছে

গীতাঞ্জলি বৰকটকী ভাগৱতী

অ-ই ক’লে অসমৰ অকণ-অকণি আমি
আ-ই বোলে ফাকুৱাত আবিৰ লওঁ সানি।
ই-এ সোধে ইকৰাৰে ভেলাঘৰ সাজে নে নাসাজে
ঈ-এ বোলে ঈশ্বৰে লুকাভাকু খেলে নে নেখেলে?
উ-এ সোধে উটত উঠি মৰুভূমি চাবা নে নোচোৱা
ঊ-এ ক’লে ঊষা-অনিৰুদ্ধৰ কাহিনীটো কোৱা।
ঋ-এ বোলে ঋষি থাকে আশ্ৰমত ঋক্ জপ কৰি
এ-ই ক’লে এদিনত কেইঘণ্টা, চোৱাচোন ঘড়ী।
ঐ-এ বোলে ঐৰাৱত দেখি ভয় নাখাওঁ আৰু
ও-এ কয় ওখ ওক গছৰ পাত ছিঙিব নোৱাৰো।
ঔ-এ বোলে ঔ-টেঙাৰ চকলা খাওঁ নিমখ সানি
অ-ফলাৰ আখৰ পঢ়ি নাপাওঁ আমনি৷

ঠিকনা:

বি.ভি.এফ্. চি.এল্. উচ্চতৰ মাধ্যমিক বিদ্যালয়

নামৰূপ, শাখা-গ

ডাক: পৰ্বতপুৰ, জি‍লা: ডিব্ৰুগড়, অসম

পূৰ্বৱৰ্তী পৃষ্ঠা পৰৱৰ্তী পৃষ্ঠা

অ-ফলাৰ পদ্য

গীতাঞ্জলি বৰকটকী ভাগৱতী

সম্পৰ্কীয় অন্যান্য লেখাসমূহ (Related Articles)

পঢ়ুৱৈৰ মতামত (০টা মন্তব্য)