জৰসিং ইংতি ক্লেংদুন
(১)
একোৱে নাই হাতত একোৱে নাই দূৰ-দিগন্তত
মৰুভূত নিজৰ ছাঁ
খেদি-খেদি কোন ক’ত হেৰায় তৃষ্ণাতুৰৰ
পানী এটোপা চকুলোৰে ধোঁৱা
(২)
খোজবোৰ বিচাৰি পোৱা-নোপোৱা অতবোৰ কথা সামৰি
কিছু দিকভ্ৰান্ত
মুঠিত শুকান বালি
সময়-অসময় এমুঠন আন্ধাৰে আৱৰি ধৰা
বুকুতে খহে
বুকুৰ চুবুৰি
(৩)
ৰ’দত ফুলা দিনৰ ৰং কিছু বাখৰুৱা
স্মৃতি-বিস্মৃতিৰ অলেখ সাধুকথা
কিছু একাকিত্ব কিছু বিচ্ছেদবাদ
আপততঃ মাটিফুলৰ গোন্ধত
জীৱন ভাহে
ঠিকনা :
২ নং বালিজান কাথাৰ গাঁও
জিলা- গোলাঘাট, থানা-বগীজান
ডাক- ধলাগুৰি, পিন-৭৮৫৬২১
ভ্ৰাম্যভাষ : ৮৬৩৮০০৫২১৩
পঢ়ুৱৈৰ মতামত (০টা মন্তব্য)