নিৰু দত্ত
জিলমিল জোনাকত
তিৰবিৰ তৰাই
টিপটিপ চকুৰে
মইনাক জোকায়।
জিকিমিকি জোনাকী
আন্ধাৰ ফালি ওলায়
চিকিমিকি পোহৰ দি
ধৰাৰ জেউতি চৰায়।
ৰিবৰিব বা লাগি
চিলচিল চিলাই
বিয়লি উৰি উৰি
মইনাক দৌৰায়।
গিৰগিৰ মেঘে গাজে
ক'লা মেঘ দৌৰে
চমক চমক বিজুলী
কিনো জেউতি চৰে।
জিৰজিৰ জুৰিটিৰ
খিলখিল হাঁহি
হিৰহিৰ বৰষুণ
ডিঙা উঠে ভাঁহি।
বিৰবিৰ নুফুটা মাত
জিকমিক মোৰ ভনী
মিচিকিয়া কোমল হাঁহি
পৰাণৰ জুৰণি ।
মিলমিলিয়া হাঁহিৰে
টিমটিম সোমাই আহি
ঘিটমিটিয়া আন্ধাৰত
খালে এটা উজুতি।
চিলমিলিয়া টোপনিত
সোণৰ মিচিকি হাঁহি
ধাইমাকে ফুচুলাই
দূৰৈত বজাই বাঁহী।
ঠিকনা:
সৰুপথাৰ -৭৮৫৬০১
গোলাঘাট
ভ্ৰাম্যভাষ : ৭০০২২৪১১৪৫
পঢ়ুৱৈৰ মতামত (০টা মন্তব্য)