চন্দন গোস্বামী
বমি কৰিবলৈ খাল বিচাৰি ঘূৰি ফুৰোঁতে তিনিটা শিয়াল চহৰৰ পৰিত্যক্ত গলি এটাত লগ পাওঁ সিহঁতে ৰাস্তাৰ সোঁমাজত ত্ৰিভূজ এটা হৈ বহি আছে মাজেদি যাবলৈ যত্ন কৰোঁতে তিনিওটাই হোৱা দিবলৈ ধৰে উদ্দেশ্য কওঁতে থৰ হয় সকলো দায়িত্ব সিহঁতকে দিওঁ আৰু মোক সিহঁতে ঘৰলৈ বিদায় দিয়ে শিয়াল কেওতাই বজাৰ মূল্য পাঙিবলৈ ধৰে জানি-বুজি ডাঙৰ বেনাৰ এখন আৰি চহৰৰ বিখ্যাত বান্দৰ দুটাক ৰখীয়া কৰে
তেনেই নাওমান মাটিখিনিকে চহাই মৈয়াই জলকীয়া বেঙেনা কৰোঁ বুধবৰীয়া হাটলৈ লৈ যাওঁ তাৰে তেল নিমখ কিনো অকণ ৰাহি টকাৰে গাৰ বিষ গাটে মাৰিবলৈ আপং পিওঁ সময় গৈ থাকে মানুহজনীৰ খেচখেচনিবোৰ বাঢ়ি আহে চৰ্বিক লৈ
পেলনীয়াখিনি গাতে ওলমি শত্ৰু হয় কোনো নীতিৰো কাম নিদিয়াৰ সময় হাটত ডাঙৰ ডাঙৰ জলকীয়া বেঙেনাৰ লগত মোৰকেইটাই ফেৰ মাৰিব নোৱৰে বিক্ৰী নহৈ বজাৰ ঘৰ ঘৰ বজাৰ কৰিয়েই কটাওঁ
এন্ধাৰত ডিঙিলৈকে ঘৰটো ডুবিবলৈ ধৰিছে উশাহ নিশাহ বিচাৰি বাটে বাট দিয়ে বাটৰ ই সাময়িক যত জীৱ তত শিৱ
এনেদৰেই আংবাং শব্দ মলঙিবলৈ লওঁতেই কবিতাৰ কৃত্ৰিম অৰ্থৰ নতুন পৰ্ব কি হ‘ব
আকৌ তিনিটা ফৰিঙে শইচত সেউজৰ বাৰংবাৰতা জাপ দিয়ে আনৰ জীৱনত কি ঘটে তাকে অনুবাদ কৰি সমালোচনাৰ এছোৱা পাতনি লিখে
ঠিকনা :
চন্দন গোস্বামী
ৰহা ৰজাগাঁও
ৰহা, নগাঁও (অসম)
পিন : ৭৮২১০৩
ভ্ৰাম্যভাষ : ৯৮৫৪৭৯০১৬৭
chandangoswami1976@gmail.com
পঢ়ুৱৈৰ মতামত (০টা মন্তব্য)