নৃপেন গোস্বামী
তৰাৰ পোহৰক পোহৰ নোবোলা কবিতাৰ খালি ঘৰত
শব্দৰ ঢৌ ছিটিকা খবৰ
পাটিদৈয়ে ছাঁ দিয়া পানীময় পুখুৰী কিম্বা
বিলৰ কাষত
বুজি পোৱা দিনত চেঙা উজায়
চেঙাক আপুনি কবিতাৰ ঘৰত বিচাৰিলে
পাব বুলি ভবাটো সমূলি ভুল নহয়
চেঙা এতিয়া আধুনিক কবিতাৰ পুৰণি অলংকাৰ
ৰাতি কালিকা লগা পুখুৰীৰ পাৰত মাছ চৰে
নাম মিছা যদিও মিছা মাছ নে
আৰু খালি ঘৰত শূন্যতাৰ শব্দ শুনি কবি ব্যস্ত
পোহৰৰ খিৰিকীৰে বাগৰি অহা চিত্ৰকল্প পঢ়াত
কবিৰ খালি ঘৰত ম'ৰাই চালি ধৰে
পাৰই দিয়ে ৰুণ
জাগতিক প্ৰতিটো ঘটনা কবিৰ
দৃশ্য-শ্ৰাব্য নাটক
কবি হেৰোৱা বহু কথা এতিয়া কিতাপে কয়
কিন্তু নিখোজ কবিৰ খবৰ মাথোঁ হৃদয়ত
খালি ঘৰটোক নকন্দাকৈ ৰখাটো
মোৰ প্ৰথম কাম
খালি ঘৰটোলৈ আপুনি অকলশৰে আহিব
কলম-কাগজ আপোনাৰ সংগী নহ'লেই
ঘৰৰ মালিক সুখী
আৰু আপুনি খালি ঘৰৰ কবিতা পঢ়িব
ঠিকনা : দুলীয়াজান
ফোন : ৯৪৩৫৪২৬১৬৩
পঢ়ুৱৈৰ মতামত (০টা মন্তব্য)